أديب للمصريين بالخارج: «مصر أمنا ولازم نقف جنبها.. حد يستعر من أمه؟»

2222
عمرو أديب

قال الإعلامي عمرو أديب، اليوم السبت، موجهًا حديثه للمصريين بالخارج، «إحنا دلوقتي في مرحلة إصلاح اقتصادي، لازم تقفوا جمب البلد، لأن إنتوا راجعين فيها عاجلًا أو آجلًا، البلد اللي إنت فيها دي مش بلدك، جائز بلدنا مش عاجبك، بس هي مش عاجبنا إحنا كمان على فكرة، لكن إحنا هنستحمل، اسندوا بلدكم».
أضاف أديب، ببرنامج «كل يوم»، عبر فضائية «ON E»، «عارف إن البلد دي مش قد طموحاتك، وعارف إنك لما بتقارن الأوضاع هنا وذاتها في البلد اللي إنت مقيم فيها بتلاقي فرق كبير، لكن هنعمل إيه؟ دي بلدنا، حد يستعر من أبوه وأمه؟ أمي مثلًا مكنتش مارلين مونرو، لكنها أحلى من مليون مارلين مونرو، وأبويا مكنش الهلالي سلامة، لكنه أحسن راجل في الدنيا، هي دي مصر، هي أبوك وأمك».
تابع: «أؤكد لكم أن الدولة بتجهزلكم حزمة من القرارات حاليًا جيدة جدًا، استحملوا شوية واقفوا مع البلد، مصر الآن سيارة ترجع إلى الخلف لازم كلنا نسندها لحد ما تطلع لقدام، أرجوكم استحملونا شوية ومتضايقوش مننا، إنتوا السند لينا، بلاش تستخسروا في البلد حاجة عشان متتهدش، وإن اتهدت هيبقى فوق دماغنا كلنا».

Comments

comments

لا تعليقات